time kahaan hai

kaisi hai yeh zindagi,
kaisi hai yeh paheli,
kehne ko toh sab kuch hai hamaare paas,
fir bhi zindagi jeene ka time kahaan hai.

rehte hain har samay busy mode mein,
kaam karte hain ghadi ke kaaton pe,
chain se khaana kya hota hai yeh ab yaad hi nahin hai,
bhookh ka santusht hona kya hota hai, yeh ab dhyaan mein hi nahin hai.

mobile ke phone book mein number toh hain kaafi,
lekin kisi ko dial karne ka khyaal kahaan hai,
face to face ki jagah baatein hoti hain facebook pe,
doston ke saath baithke gappe haankne ka time kahaan hai.

har movie ho jaati hai internet se hi download,
woh interval mein samose khaana ab kahaan hai;
train ki ticket ghar se hi book ho jaati hai,
woh line mein ghanto khade rehne ke baad ticket milne ki khushi kahaan hai.

asli ke bajae nakli cheezo ne hamein ghera hai,
ab bacchon ka time pass cricket ke bajaae play station pe hota hai;
ghar ke functions bhi ab meetings ki tarah attend hote hain,
family ke beech mein hone ka ab time kahaan hai.

pados mein kaun rehta hai yeh pata nahin,
unka naam kya hai yeh bhi kahaan jaante hain,
apne se zyaada doosre kya kar rahe hain iski chinta hai,
khood kya chaahte hain yeh kahaan pata hai.

gaadi mein baith ke khaate hain AC ki hawa,
khuli hawa mein ghoomne jaana ab kahaan hai;
kehte hain ab zamaana badal gaya hai,
iski wajah hum khud hain yeh sochne ka time kahaan hai.

kuch kadam mere saath kash tum bhi chale hote

Inspired by the movie ‘Udaan’


kuch kadam mere saath kash tum bhi chale hote.


apne khwaab bichaaye tumne meri palkhon par,
kabhi meri aankhon se bhi yeh jahaan dekhe hote,
kuch kadam mere saath kash tum bhi chale hote.

chalne ko to chal diya main akela apni raah par,
mere peeche mudke dekhne par kaash tum nazar aaye hote,
kuch kadam mere saath kash tum bhi chale hote.

ghar banaaya tha maine reth mein,
usme ek inth ka tudka tum bhi daale hote,
kuch kadam mere saath kash tum bhi chale hote.

boya tha beej maine jis paudhe ka,
do boond paani usko tum bhi diye hote,
kuch kadam mere saath kash tum bhi chale hote.

dekha tha maine in aankhon se ek sapna,
aankhon ko kuch der aur band rehne diye hote,
kuch kadam mere saath kash tum bhi chale hote.

karna chaaha tha maine is duniya ko mutthi mein,
us muthi ki ek ungli agar tum bane hote,
kuch kadam mere saath kash tum bhi chale hote.

udaan bharni chaahi thi maine is khule gagan mein,
apne haathon se mujhe tum khud chode hote,
kuch kadam mere saath kash tum bhi chale hote.

zindagi toh aise bhi kat jayegi,
is zindagi ka hissa tum bhi bane hote,
kuch kadam mere saath kash tum bhi chale hote.

"Honey, I love you !!! "

there'll be a time,
when your hair goes grey,
on a tickle you will fray,
when it will be difficult for you to hold a tray,

when a small sound will hit you like a noise,
when you'll shout at the cricket playing boys,
when you doze off and everyone enjoys,

there'll be a time,
when your eyes will need a glass,
when you'll disproportionately increase in mass,
when you wont be able to dance,

when your smile will be enhanced artificially,
when your face will be wrinkled considerably,
when you will feel tired regularly,

one thing will be in common for all those times,
me looking at you and saying, "Honey, i love you !!!".