Bachpann

Woh choti choti baaton pe khush hona,
Maa ke teen ya chaar baar bulaane par bhi bistar se naa uthna,
Cartoon network pe din bhar lage rehna,
Padosiyon ke ghar jaake roz khaana khana;
Kyun ab yeh sab hum nahin kar paate.

Woh SUDUP SUDUP karke chai peena,
Glass mein juice naa hone par bhi straw ko kuch samay tak chooste rehna,
Barf ke tukde leke, unhein chabaana,
Fryums ko duson ungliyon mein pehan ke khaana;
Kyun ab yeh sab hum nahin kar paate.

Woh baarish ki bundon ko hatheli mein lena,
Jaise hi bijli kadke ghar se baahar bhaag jaana,
Mitti ki khushboo ka aaram se mazaa lena,
CHAP CHAP karte hue doston pe paani fekna;
Kyun ab yeh sab hum nahin kar paate.

Woh kisiki shaadi mein jaane ke liye utaawale rehna,
Kya kya khaane ko milega yeh sochte rehna,
Jaane se kai ghante pehle hi taiyaar ho jaana,
Pahunchte hi music pe dance karne lagna;
Kyun ab yeh sab hum nahin kar paate.

Woh chocolate kharidne ke liye paise ikkhate karna,
Apne piggy bank ka hisaab roz karte rehna,
Paapa ko bike ka chakkar dilaane ke liye pareshaan karte rehna,
Petrol ki tanki pe baithke, khud bike chalaane ki feeling lena;
Kyun ab yeh sab hum nahin kar paate.

Woh apne janam din ke liye mahino pehle se intezaar karna,
Kya gift milega yeh mummy-paapa ko poochte rehna,
Naye kapde, naye joote, nayi ghadi kharidna,
Aur sab kuch matching ho iska dhyaan rakhna;
Kyun ab yeh sab hum nahin kar paate.

Woh kisi ladki ke saath baat karne mein sharmaana,
School mein agar teacher humein unke saath bitha de toh ro dena,
Har teacher ke class mein aane par, "Good Morning Madam" gaate hue khade hona,
Recess ki ghanti bajne ka hamesha wait karte rehna,
Kyun ab yeh sab hum nahin kar paate.

Woh doston ke saath katti-batti khelte rehna,
Cycle race fir unse hi lagaana,
School ki notebook pe star milne par kitna khush hona,
Ghar jaa ke maa ko apni manpasand dish banane ke liye kehna,
Kyun ab yeh sab hum nahin kar paate.

Sometimes I become very sad remembering those days. That's why I always try to keep that innocence in me. It helps me live.

If Only

If Only I say, they will understand me.
If Only I cry, they will know that I am hurt.
If Only I am angry, they realize the strength within me.
If Only I try, they know my potential.
If Only I dance, they know how free I feel.
If Only I smile, they feel I am satisfied in my life.
If Only I laugh, they know I have understood the joke.
If Only I sing, they know I have a rhythm inside me.
If Only I write, they know I can express my thoughts.
If Only I love, they feel how much I care about them.
If Only I lie down, they feel I am tired.
If Only I am quiet, they know something is not right with my life.

Life is all about how we express ourselves to others.